काठमाडौं । साताको चौथो कारोबार दिन (बुधबार)को प्रिओपन सेसनमा सेयर बजार परिसूचक (नेप्से) ९.३९ अंकले बढेको छ । ९.३९ अंकले बढ्दै नेप्से २६७५.२० को बिन्दुमा उक्लिएको छ ।
.gif)
सँगै प्रिसेसनमा कारोबार रकम पनि बढेको छ । ३५ हजार ७७२ कित्ता सेयर किनबेच हुँदा कारोबार रकम १ करोड ६३ लाख ८८ हजार रुपैयाँको भयो । जुन केही कारोबार दिनयताकै उच्च हो ।
प्रिसेसनमा ५४ कम्पनीको सेयर किनबेच भयो । जसमा ३३ कम्पनीको मूल्य बढ्यो भने १८ कम्पनीको मूल्य घट्यो । ३ कम्पनीको स्थिर रह्यो ।
यो सेसनमा बैंक, हाइड्रो पावर कम्पनीको उच्च कारोबार भएको छ ।
दुई दिनको उच्च गिरावटपछि मंगलबार नेप्से दोहोरो अंकले बढेको थियो । मंगलबारको बृद्धिको प्रभाव बुधबारको प्रिसेसनमा पनि देखिएको छ । प्रिसेसनको कारोबार हेर्दा, आज कारोबार उत्साहपूर्ण हुने अनुमान लगाउन सकिन्छ ।
