काठमाडौं । यस साता पहिला दुई कारोबार दिनमा आइतबार ४७.४४ अंक र सोमबार आज ५७.९९ अंक गरेर १०५.४३ अंकले घटेको शेयर बजारमा तेस्रो कारोबार दिन मंगलबार भने हरियाली देखिएको छ ।
.gif)
यस दिन २५.८८ अंकले बढेर दुई हजार ६६५.८१ अंकमा बजार बन्द भएको छ । आज चारवटै सूचक र १३ वटै उपसमूहको शेयर वृद्धि भएको छ ।
मंगलबार सर्वाधिक फाइनान्स समूहको शेयर ३.०३ प्रतिशतले बढेको छ । रावा इनर्जीको सर्वाधिक ८.८८ प्रतिशत शेयर वृद्धि भएकोमा विन नेपाल लघुवित्तका लगानीकर्ताले ४.७५ प्रतिशतले गुमाएका छन् ।
नेप्से बढे पनि कारोबार भने निरन्तर घट्दो क्रममा रहेको छ । आइतबार ८ अर्ब १८ करोड रुपैयाँ बराबरको २ करोड ८ लाख ६८ हजार ९१९ कित्ता र सोमबार ५ अर्ब ९० करोड रुपैयाँ बराबरको १ करोड ३८ लाख ६३ हजार ४४३ कित्ता शेयर कारोबार भएकोमा आज ४ अर्ब १७ करोड १६ लाख रुपैयाँ बराबरको १ करोड ९ लाख ६२ हजार २८१ कित्ता बराबरको शेयर खरिदबिक्री भएको छ
