काठमाडौं, २१ बैशाख । सेयर बजारमा सोमबार उच्च अंकको गिरावट आएको छ । नेपाल स्टक एक्सचेञ्ज (नेप्से) परिसूचक ३४.६३ अंकले घट्दै २७०४.०८ बिन्दुमा झरेको छ ।
.gif)
अघिल्लो कारोबार दिन (गत बिहीबार) पनि नेप्से ५.७३ अंकले घटेको थियो । त्यसअघि बुधबार २५.८१ अंक र मंगलबार २६ अंकको गिरावट देखिएको थियो, जसले लगातार बजार दबाबमा रहेको संकेत गर्छ ।
आजको कारोबारमा कुल ४ अर्ब २६ करोड रुपैयाँ बराबरको सेयर किनबेच भएको नेप्सेले जनाएको छ । गत बिहीबार भने ४ अर्ब ८२ करोड रुपैयाँभन्दा बढीको कारोबार भएको थियो ।
सोमबार कारोबारमा आएका कम्पनीमध्ये २७ कम्पनीको सेयर मूल्य बढेको छ भने २४० कम्पनीको घटेको छ । २ कम्पनीको मूल्य भने स्थिर रहेको छ ।
