तेहरान । इरानले अस्थायी युद्धविरामको बदलामा स्ट्रेट अप हर्मुज पुनः खोल्न अस्वीकार गरेको छ । एक वरिष्ठ इरानी अधिकारीले अन्तराष्ट्रिय समाचार संस्था रोयटर्ससँग कुरा गर्दै इरानले अमेरिकालाई स्थायी युद्धविरामका लागि आवश्यक प्रतिबद्धता नभएको ठानेको बताएका छन् । उक्त अधिकारीका अनुसार, इरानले पाकिस्तानले प्रस्ताव गरेको तत्काल युद्धविरामको सुझाव प्राप्त गरेको छ र त्यसको समीक्षा पनि गरिरहेको छ । तर, तेहरानले कुनै पनि प्रकारको दबाबमा आएर समयसीमा अनुसार निर्णय लिन नसक्ने स्पष्ट पारेको छ । पाकिस्तानको विदेश मन्त्रालयका प्रवक्ता ताहिर अन्द्राबीले पाकिस्तानले इरान र अमेरिकाबीच जारी युद्धलाई अन्त्य गर्न प्रस्ताव गरेको भनिएको ढाँचाबारे पुष्टि वा अस्वीकार नगर्न अस्वीकार गरेका छन् ।
.gif)
पाकिस्तानले ४५ दिने युद्धविराम प्रस्ताव वा १५ बुँदे शान्ति सम्झौताबारेमा आएका समाचारहरूलाई स्पष्ट रूपमा पुष्टि वा खण्डन नगरेको उनले अल जजिरासँग भने । यसअघि केही समाचारमा पाकिस्तानले दुवै पक्षलाई तत्काल युद्धविरामलगायतका शर्तहरू समावेश भएको प्रस्ताव बुझाएको बताएका थिए ।
