नयाँ सरकार बने सँगै ३ हजार बिन्दुमाथी पुगेको बजार निरन्तर घटेर २४ सय बिन्दुमा पुगेपछी लगानीकर्तामा बजार अझै घट्ने हो कि भन्ने डर थियो । तर दशैं अघि नै बजारले २६ सय बिन्दु पार गर्यो । गत बुधबार बजार २६६८ बिन्दुमा पुगेर बन्द भएपछी लगानीकर्ताहरूलाई बजारले आगमी दिनहरूमा अझै सुधारको गति लिनेछ भन्नेमा आशावादी बनाएको छ ।
.gif)
दशैंपछी बजार बढ्ने नबढ्ने भन्ने बिषयमा भने विभिन्न तर्कहरू रहेको पाइन्छ । अब दशैं पछिको बजारले बुलिस ट्रेन्डको बाटो समात्छ भन्ने एकतर्फी तर्क छ भने अर्कोतिर भने बजार कता जान्छ भन्नेमै अन्योल नै देखिन्छ ।
अहिलेको अवस्थामा, सरकार र नेपाल राष्ट्र बैंकले लिएको केही कदमहरूले बजार सुधारको मार्ग प्रशस्त गरेको देखिन्छ । बैंकको ब्याजदर लगातार ओरालो लागिरहेको छ, जसले सेयर बजारमा थप सहज वातावरण बनाएको छ । यसले गर्दा पनि आगामी दिनमा बजारले अझै उकालो लाग्न सक्ने लगानीकर्ताहरूले विश्वास गरेका छन् ।
तर, अब बजार कस्तो गतिमा जान्छ भनेर यकिन गरेर भन्न भने सकिदैन यसका लागी अब बजार खुल्ने दिने असोज २९ गतेको बजारलाई पर्खिनैपर्ने हुन्छ ।
