दोहा । इरानबाट प्रहार गरिएका तीन वटा क्रुज मिसाइलले कतारलाई निशाना बनाइएको कतारको रक्षा मन्त्रालयले बताएको छ । यीमध्ये एउटा मिसाइलले तेल ट्याङ्करमा लागेको बताइएको छ ।दुईवटा मिसाइललाई अवरोध गरिएको भए पनि एउटालाई रोक्न नसकिएको र यसले कतारको तटमा तेलको जहाजमा लागेको माइक्रोब्लगिङ वेबसाइट एक्समा एउटा पोस्टमा मन्त्रालयले भनेको छ ।
.gif)
यो जहाज कतार इनर्जीले भाडामा लिएर चलाइरहेको थियो । घटनापछि ट्याङ्करमा रहेका २१ जना चालक दललाई सुरक्षित रूपमा बाहिर निकालिएको मन्त्रालयले जनाएको छ ।प्रारम्भिक विवरणअनुसार आक्रमणमा कुनै मानवीय क्षति भएको छैन ।
