क्वालालम्पुर । इरानले मलेसियाली जहाजहरूलाई स्ट्रेट अफ हर्मुज पार गर्न अनुमति दिएको मलेसियाका प्रधानमन्त्री अनवर इब्राहिमले बताएका छन् । टेलिभिजनमार्फत बिहीबार सम्बोधन गर्दै उनले इरानका राष्ट्रपति मसुद पेजेश्कियनप्रति धन्यवाद व्यक्त गर्दै मलेसियाली जहाजहरूलाई छिटो अनुमति दिइएको बताए ।उनले भने– ‘हामी मलेसियाली तेल ट्याङ्करहरू र त्यसमा संलग्न कामदारहरूलाई सुरक्षित रूपमा मुक्त गराई स्वदेश फर्काउने प्रक्रियामा छौँ ।’ यद्यपि, कति जहाजले स्ट्रेट पार गरिसकेका छन वा कस्तो सर्तमा अनुमति दिइयो भन्नेबारे उनले विस्तृत जानकारी दिएका छैनन् ।
.gif)
सामान्य अवस्थामा विश्वको करिब २० प्रतिशत तेल र तरल प्राकृतिक ग्यास (एलएनजी) ओसारपसार हुने यो मार्ग इरान–अमेरिका–इजरायलबिचको तनावका कारण प्रभावित बनेको छ ।मलेसियाले परम्परागत रूपमा असंलग्न परराष्ट्र नीति अपनाउँदै आएको छ । यद्यपि, ऊर्जा आपूर्ति अवरोधका कारण देश पनि प्रभावित भएको प्रधानमन्त्री अनवरले स्वीकार गरेका छन् । तर, पेट्रोनासजस्तो सरकारी ऊर्जा कम्पनीको क्षमताका कारण मलेसिया अन्य देशको तुलनामा धेरै राम्रो अवस्थामा रहेको उनले बताए । मलेसिया विश्वकै प्रमुख एलएनजी आपूर्तिकर्तामध्ये एक भए पनि झन्डै ७० प्रतिशत कच्चा तेलको डी क्षेत्रबाट आयात गर्छ । ऊर्जा सङ्कटको सामना गर्न सरकारले इन्धन बचतका उपायहरू पनि अघि सारेको छ । यसमा सहुलियत दरको पेट्रोलको मासिक कोटा घटाउने र सरकारी कर्मचारीलाई क्रमशः र छनोटका आधारमा घरबाटै काम गर्ने व्यवस्था लागू गर्ने योजना समावेश छ ।
