कुवेत सिटी । कुवेतको एकै दिन दुई वटा तेल प्रशोधन केन्द्रमा ड्रोन आक्रमण भएको छ । सरकारी सञ्चारमाध्यम कुवेत न्युज एजेन्सीका अनुसार कुवेत सहरको दक्षिणमा रहेको मिना अब्दुल्लाह तेल प्रशोधन केन्द्रमा ड्रोन प्रहार हुँदा त्यहाँ आगलागी भएको हो । उक्त घटनापछि प्रभावित क्षेत्रमा आगो लागेको पुष्टि गरिएको छ । यद्यपि क्षतिको विस्तृत विवरण भने सार्वजनिक गरिएको छैन ।
.gif)
सुरक्षाकर्मी र आपत्कालीन टोलीहरूले आगो नियन्त्रणमा ल्याउने प्रयास गरिरहेको बताइएको छ । यस प्रशोधन केन्द्र नजिकै रहेको मिना अल–अहमदी रिफाइनरीमा पनि बिहीबार ड्रोन आक्रमण भएको थियो । सो घटनामा सीमित आगलागी भएको बताइएको थियो । यसलाई नियन्त्रणमा लिइएको थियो । कुवेत पेट्रोलियम कर्पोरेसनले मिना अल–अहमदी रिफाइनरीमा कसैलाई पनि चोटपटक नलागेको र आगो नियन्त्रणमा आएको बताएको थियो ।
