काठमाडौँ, १८ फागुन । स्थानीय बजारमा आज सुन तथा चाँदीको मूल्यमा वृद्धि भएको छ।
.gif)
नेपाल सुनचाँदी व्यवसायी महासङ्घका अनुसार आइतबार प्रतितोला रू तीन लाख २० हजार ५०० मा कारोबार भएको छापावाल सुन आज बढेर प्रतितोला रू तीन लाख २६ हजार १०० पुगेको छ। यससँगै सुनको मूल्यमा प्रतितोला रू पाँच हजार ६०० को वृद्धि भएको हो।
त्यस्तै, चाँदीको मूल्य पनि बढेको छ। आइतबार प्रतितोला रू पाँच हजार ९८५ मा खरिदबिक्री भएको चाँदी आज बढेर प्रतितोला रू छ हजार २० कायम भएको महासङ्घले जनाएको छ।
अन्तर्राष्ट्रिय बजारमा भने आज सुन प्रतिऔंस पाँच हजार ३६२ अमेरिकी डलर हाराहारीमा कारोबार भइरहेको छ। अन्तर्राष्ट्रिय मूल्यमा भएको उतारचढाव तथा डलर विनिमयदरको प्रभावले स्थानीय बजारमा मूल्य समायोजन हुने गरेको व्यवसायीहरू बताउँछन्।
