प्रायः हाम्रो घरहरूमा खाना पकाउँदा कराही वा प्यानमा केही तेल बाँकी रहनु सामान्य हो। धेरैजसो मानिसहरू पैसा बचत गर्न वा बानीका कारण त्यही बाँकी रहेको तेललाई अर्को पटकको खाना बनाउन प्रयोग गर्छन्। तर, के भान्सामा बचेको तेलको प्रयोग गर्नु सही हो ? वा यसले हाम्रो स्वास्थ्यलाई हानि पुर्याइरहेको छ ? आउनुहोस्, यस लेखमा जानौँ बचेको तेल किन प्रयोग गर्नुहुँदैन।
.gif)
बचेको तेल किन खराब हुन्छ ?
जब तेलमा पटक-पटक खाना तारिन्छ वा लामो समयसम्म उच्च तापक्रममा तताइन्छ, तब यसको रासायनिक संरचना बदलिन्छ। यदि यस्तो तेलको प्रयोग घरमा पुनः गरियो भने मानिसको स्वास्थ्यमा नराम्रो असर पर्छ।
त्यसैले, भान्सामा कुनै पनि परिकार बनाउँदा धेरै तेलको आवश्यकता पर्छ भने आवश्यक मात्रामा मात्र तेल प्रयोग गर्नुपर्छ। यदि कुनै कारणवश तेल बाँकी रह्यो भने त्यसलाई फाल्दिनु नै बुद्धिमानी हुन्छ, पुनः प्रयोगमा ल्याउनुहुँदैन।
- बचेको तेल प्रयोग गर्दा हुने बेफाइदाहरू
१. स्वास्थ्यका लागि हानिकारक
पटक-पटक तताइएको तेलले शरीरमा ‘फ्री रेडिकल्स’ बढाउँछ, जसले क्यान्सर, मुटु रोग र मधुमेहको जोखिम बढाउन सक्छ।
२. पाचन प्रणालीमा असर
यस्तो तेलमा पकाइएको खाना खाँदा ग्यास्ट्रिक, एसिडिटी, पेट दुख्ने र अपचजस्ता समस्याहरू देखिन सक्छन्।
३. खराब कोलेस्ट्रोल बढाउँछ
बारम्बार प्रयोग गरिएको तेलले शरीरमा एलडीएल अर्थात् खराब कोलेस्ट्रोलको मात्रा बढाउँछ, जसले गर्दा मुटुसम्बन्धी रोगको खतरा रहन्छ।
४. रोग प्रतिरोधात्मक क्षमता कमजोर बनाउँछ
यस्तो तेलको नियमित प्रयोगले शरीरको रोगसँग लड्ने क्षमतालाई पनि कमजोर बनाउन सक्छ।
५. खानाको स्वाद र गुणस्तर बिगार्छ
बचेको तेल प्रयोग गर्दा खानामा नमिठो गन्ध आउनुका साथै खानाको स्वाद तीतो वा बेस्वादको हुन जान्छ।
