काठमाडौँ । आज पनि गोलभेँडाको मूल्य घटेको छ । कालीमाटी तरकारी बजार विकास समितिले सार्वजनिक गरेको मूल्य विवरणअनुसार गाेलभेँडा १ दिनमै ७ प्रतिशतसम्म घटेको छ । हिजो (बुधबार) ९ प्रतिशतसम्म घटेको थियो ।हिजोको तुलनामा बिहीबार (आज) कालीमाटी तरकारी बजारमा भारतीय सानो गोलभेँडा ७.२७ प्रतिशतले घटेर प्रतिकिलो औसत ७१.४० रुपैयाँ रहेको छ ।
.gif)
हिजो गोलभेँडाकाे औसत मूल्य प्रतिकिलो ७७ रुपैयाँ थियो । यस्तै सानो लोकल गोलभेँडाको मूल्य पनि ७.८१ प्रतिशतले घटेको छ । हिजो ८० रुपैयाँ औसत मूल्य रहेको उक्त गोलभेँडा आज ७३.७५ रुपैयाँ औसत मूल्य कायम छ । भारतीय ठुलो गोलभेँडा ४.५५ प्रतिशत घटेको छ । हिजो प्रतिकिलो ११० औसत मूल्य रहेको उक्त गोलभेँडा आज १०५ रुपैयाँ कायम छ । सानो तराई गोलभेँडा १.४५ प्रतिशतले घटेर प्रतिकिलो ९५ रुपैयाँ औसत मूल्य रहेको छ । हिजो यो गोलभेँडा प्रतिकिलो ९६.४० रुपैयाँ औसत मूल्य रहेको थियो । नेपाली ठुलो गोलभेँडा र सानो टनेल गोलभेँडाको मूल्य स्थिर रहेको छ । नेपाली ठुलो गोलभेँडा प्रतिकिलो १०५ रुपैयाँ र सानो टनेल गोलभेँडा प्रतिकिलो ११० रुपैयाँ औसत मूल्य रहेको छ ।
