काठमाडौँ । कात्तिक १६, महालेखा नियन्त्रक कार्यालयले आर्थिक वर्ष २०८१।८२ का लागि सरकारको केन्द्रीय लेखाको एकीकृत वित्तीय विवरण बुझाएको छ। उक्त विवरणमा आन्तरिक लेखापरीक्षणको वार्षिक प्रतिवेदन र सम्पत्तिको एकीकृत वार्षिक विवरण समेत समावेश गरिएको छ।
.gif)
महालेखा नियन्त्रक शोभाकान्त पौडेलले अर्थमन्त्री रामेश्वर खनाललाई समग्र प्रतिवेदन बुझाउनु भएको हो।
प्रतिवेदनअनुसार, आर्थिक वर्ष २०८१।८२ मा सरकारको सञ्चित कोष रु १ खर्ब ९६ अर्ब ३४ करोड ५९ लाखले ऋणात्मक रहेको छ। त्यस्तै, नगद अवस्था रु ३१ अर्ब ३४ करोड ६१ लाखले ऋणात्मक देखिएको छ।
तर, विभिन्न कोषहरूको मौज्दात तथा एक्स्ट्रा बजेटरी निकायहरूको बाँकी मौज्दात रकमका आधारमा नगद तथा बैंक मौज्दात रु ६५ अर्ब ८१ करोड २६ लाखले धनात्मक रहेको प्रवक्ता लामिछानेले जानकारी दिनुभयो।
महालेखा नियन्त्रक कार्यालयले उक्त प्रतिवेदनमार्फत सरकारको वित्तीय स्थिति, आन्तरिक लेखापरीक्षणको अवस्था र सम्पत्तिको अद्यावधिक विवरण प्रस्तुत गरेको छ।
