काठमाडौँ । असोज २४, राष्ट्रिय जीवन बीमा कम्पनी लिमिटेडले करार सेवामा पदपूर्ति गर्ने गरी सहायक व्यवस्थापक तहका तीन पदमा कुल ७ जना कर्मचारीको माग गरेको छ। कम्पनीले एक सूचना जारी गर्दै योग्य नेपाली नागरिकहरूबाट आवेदन आह्वान गरेको हो।
.gif)
कम्पनीका अनुसार माग गरिएका पदहरूमा सहायक व्यवस्थापक (चार्टर्ड एकाउन्टेन्ट), सहायक व्यवस्थापक (एक्चुरी) र सहायक सूचना प्रविधि अधिकृत रहेका छन्। पदअनुसार फरक फरक शैक्षिक योग्यता, अनुभव र सीप तोकिएको छ, जसको विस्तृत विवरण कम्पनीको आधिकारिक वेबसाइट तथा सूचनामा हेर्न सकिने जनाइएको छ।
इच्छुक उम्मेदवारहरूले आजको मितिबाट ७ दिनभित्र आवश्यक कागजातसहित आवेदन दिनुपर्नेछ।
कम्पनीले सार्वजनिक सेवा प्रवाह सुदृढ पार्न तथा प्रविधि र वित्तीय व्यवस्थापनलाई अझ प्रभावकारी बनाउन दक्ष जनशक्ति आवश्यक परेको जनाएको छ। (सूचना सहित)
