काठमाडौँ । असोज १९, एनएलजी इन्स्योरेन्स कम्पनी लिमिटेडले अविरल वर्षाका कारण उत्पन्न भएको असहज परिस्थितिमा पनि आफ्नो बीमा सेवा प्रवाह निरन्तर रूपमा जारी राखेको छ।
.gif)
कम्पनीले एक सार्वजनिक सूचना जारी गर्दै शनिवार देखि परेको लगातार वर्षाका कारणको कठिन परिस्थितिमा पनि सीमित कर्मचारी मार्फत बीमा पोलिसी तथा दावी भुक्तानीसम्बन्धी सेवा दिइरहेको जनाएको हो। यद्यपि सरकारले आइतबार र सोमबार दुई दिन सार्वजनिक विदा दिएको छ, कम्पनीले सेवा प्रवाहमा कुनै बाधा नपार्ने गरी तयारी गरेको बताएको छ।
बीमा पोलिसी सम्बन्धी सेवाका लागि चार जना र दावी भुक्तानी सम्बन्धी सेवाका लागि तीन जना कर्मचारी तोकिएको जनाइएको छ। साथै, उनीहरूको सम्पर्क नम्बर समेत सार्वजनिक गर्दै आवश्यक परेको खण्डमा सोझै सम्पर्क गर्न आग्रह गरिएको छ।
कम्पनीका अनुसार, यस्तो विषम परिस्थितिमा ग्राहकलाई सहज रूपमा बीमा सेवा उपलब्ध गराउनु आफ्नो दायित्व हो भन्ने मान्यताका साथ सेवा प्रवाह गरिएको हो।
(अधिक जानकारीका लागि कम्पनीको आधिकारिक सूचना वा वेबसाइट हेर्न सकिन्छ।)
