क्यालिफोर्निया । अमेरिकी बहुराष्ट्रिय सर्च इन्जिन कम्पनी गुगलले आफ्नो वेब ब्राउजर क्रोमलाई बेच्नु नपर्ने भएको छ । तर अमेरिकी संघीय न्यायाधीशले कम्पनीलाई प्रतिस्पर्धीहरूसँग आफ्नो डेटा भने शेयर गर्न आदेश दिएका छन् । जिल्ला न्यायाधीश अमित मेहताले यो फैसला सुनाएको भन्दै बीबीसीले समाचार छापेको छ ।
.gif)
एक वर्षभन्दा बढी समयलेखि कम्पनीले अनलाइन सर्च बजारमा क्रोमको दबदबाबारे मुद्दा खेप्दै आएको थियो । एन्ड्रोइड र क्रोम जस्ता आफ्नै प्रडक्ट अनि एप्पल जस्ता अन्य कम्पनीले बनाएका प्रडक्टमा गुगल डिफल्ट सर्च इञ्जिनको रूपमा रहेको विषयमा मुद्दा केन्द्रित छ । अमेरिकी न्याय मन्त्रालयले गुगललाई क्रोम बेच्न भनेको थियो । तर मंगलबारको निर्णयपछि कम्पनीले क्रोमलाई आफ्नै साथमा राख्न सक्ने भएको छ ।
तर यसले ‘एक्सिक्लुसिभ’ करार गर्न पाउने छैन अनि सर्च डेटहरू पनि प्रतिस्पर्धीहरूसँग शेयर गर्नु पर्नेछ । गुगलले क्रोमलाई उपकरण र ब्राउजरमा सर्च इन्जिन बनाउन एप्पल जस्ता कम्पनीसँग आम्दानी बाँड्ने सम्झौता गर्ने जस्ता अलि कम कठोर उपायहरू प्रस्ताव गरेको थियो । पछिल्लो सुनवाइलाई आफूले जितको रूपमा हेरेको मंगलबार गुगलले भनेको थियो ।
