काठमाडौँ । गुगलले ठुलो कारबाही गर्दै आफ्नो प्ले स्टोरबाट ७७ वटा खतरनाक एपहरू हटाएको छ। यी सबै एपहरू प्रयोगकर्ताहरूको सुरक्षा र गोपनीयताको लागि खतरा थिए। यद्यपि, यो हालैको कारबाहीको एक अंश मात्र हो। फोर्ब्सको रिपोर्ट अनुसार, गुगलले गत वर्ष लगभग ४० लाख एपहरू हटाएको थियो । अर्थात्, हरेक दिन औसत ११ हजार एपहरू हटाइयो।
.gif)
यो जानकारी सर्फशार्कको रिपोर्ट र गुगलको पारदर्शिता डेटाबाट आएको हो। रिपोर्ट अनुसार, हटाइएका आधा भन्दा बढी एपहरूले डेटा सुरक्षा र गोपनीयता नियमहरू उल्लङ्घन गरिरहेका थिए।
एप्स र डेभलपर अकाउन्टहरूमा कारबाही
गुगलले गत वर्ष एप प्रकाशनसम्बन्धी कडा नियमहरू लागू गर्ने घोषणा गरेको थियो र अब यसको प्रभाव स्पष्ट रूपमा देखिएको छ। सन् २०२४ को सुरुवातसम्ममा प्ले स्टोरमा रहेका लगभग आधा एपहरू हटाइसकिएको थियो। यसका साथै गुगलले यस वर्ष लगभग १.५५ लाख डेभलपर अकाउन्टहरू पनि ब्लक गरेको छ।कम्पनीले अब साइडलोडेड एपहरू (जुन प्ले स्टोरबाट सिधै डाउनलोड हुँदैनन्) मा पनि कडा कदम चाल्दैछ। गुगलले अब प्रमाणीकरण प्रक्रियाबाट गुज्रने डेभलपरहरूले मात्र एपहरू प्रकाशित गर्न सक्ने बताएको छ।
- गुगलको चेतावनी
यदि कुनै एप प्ले स्टोरबाट गायब भयो भने यसको अर्थ डेभलपरहरुले यसलाई हटाएको होइन। गुगलका अनुसार यसको कारण एपले नियमहरू उल्लङ्घन गर्नु हो। यद्यपि, यदि एप पहिले नै तपाईँको फोनमा छ भने यो चलिरहनेछ, तर यसले थप अपडेटहरू प्राप्त गर्ने छैन। यदि एप खतरनाक पाइयो भने, प्ले प्रोटेक्टले तपाईँलाई यसलाई अनइन्स्टल गर्न अलर्ट गर्ने कम्पनीले स्पष्ट पारेको छ । तर यदि त्यस्तो अलर्ट आएन भने, एप सुरक्षा अपडेट बिना तपाईँको फोनमा चलिरहनेछ। प्रयोगकर्ताहरूले एपलाई सुरक्षित डाउनलोड गर्ने बानी बसाल्नुपर्ने विज्ञहरू बताउँछन् । यसका लागि, एपहरू डाउनलोड गर्दा अनुमतिहरू जाँच गर्नुपर्ने, समीक्षा पढ्नुपर्ने र विश्वसनीय डेभलपरहरूबाट मात्र एपहरू इन्सटल गर्ने सुझाव उनीहरूको छ।
यसैबिच, एक रिपोर्ट अनुसार, गुगलले अहिले प्ले स्टोरमा नयाँ ‘अनइन्स्टल’ बटन परीक्षण गरिरहेको छ। यो बटन एपको पृष्ठमा सिधै देखिनेछ, ताकि प्रयोगकर्ताहरूले तुरुन्तै आफ्नो फोनबाट कुनै पनि एप हटाउन सकून्। अहिलेसम्म, अनइन्स्टल गर्न, ‘म्यानेज एप्स र टुल्स’ मा जानुपर्थ्यो र छुट्टै विकल्प छनौट गर्नुपर्थ्यो।
