काठमाडौं । नबिल म्युचुअल फण्ड अन्तर्गत सञ्चालन हुने दोस्रो खुलामुखी योजना एन आई ३१ शुक्रबार (आज)बाट निष्कासन भएको छ । उक्त फण्डमा २ करोड ५० लाख इकाई रहेको छ । जसमा १५ प्रतिशत अर्थात ३७ लाख ५० हजार नबिल इन्भेष्टमेन्ट बैंकिंङ्ग लिमिटेडलाई सुरक्षित गरिएको छ ।
.gif)
बाँकी रहने १ करोड ५० लाख इकाईमध्ये प्रथम चरणमा सर्वसाधारणहरूमा १ करोड १२ लाख ५० हजार इकाई सार्वजनिक निष्कासनको रुपमा बिक्रीका लागि खुल्ला गरिएको छ । फण्डमा भदौ ३ गतेसम्म आवेदन दिन सकिने छ । उक्त समयमा पुरै इकाइमा आवेदन नपरेमा भदौ १३ गतेसम्म आवेदन दिन सकिने छ । फण्डको मूल्य प्रति इकाई १० रुपैयाँ तोकिएको छ । आवेदन दिँदा न्यूनतम १०० इकाइका लागि र उच्चतम् वा २५ लाख इकाईका लागि आवेदन दिन सकिने छ ।
फण्डले नेपाल धितोपत्र बोर्डबाट साउन ८ गते अनुमति पाएको थियो । एन आई ३१ फण्डको कोष प्रबन्धक नबिल बैंक रहेको छ भने योजना व्यवस्थापक र निष्कासन तथा बिक्री प्रबन्धक नबिल इन्भेष्टमेन्ट बैंकिङ्ग लिमिटेड रहेको छ । उक्त फण्डको सुपरीवेक्षक ५ जना रहेका छन् । जसमा प्राध्यापक पवन कुमार ओझा पूर्वमहान्यायाधिवक्ता, कानुन व्यवसायमा ३० वर्ष भन्दा बढीको अनुभव, हाल वरिष्ठ अधिवक्ताको रूपमा कार्यरत गरेका छन् ।
प्राध्यापक डा. विजय कुमार के.सी. शिक्षाविद्, शिक्षण तथा अनुसन्धानमा ४९ वर्षभन्दा बढीको अनुभव हासिल गरेका छन् । धितोपत्र बोर्डका पूर्व सञ्चालक विनोद बाबु काफ्ले जो निजामती सेवामा ३० वर्षभन्दा बढीको अनुभव रहेका व्यक्ति छन् । त्यस्तै, बिमा समितिका पूर्व अध्यक्ष प्राध्यापक डा.फत्त बहादुर के.सी. समेत छन् । जसको शिक्षण तथा अनुसन्धानमा ३६ वर्षभन्दा बढीको अनुभव रहेको छ । महालेखा परीक्षकको कार्यालयका पूर्व प्रशासक (उप–महालेखा परिक्षक) देव बहादुर बोहोरा समेत कोष सुपरिवेक्षकको रुपमा छन् ।
