भिटामिन ए चिल्लो पदार्थमा घुल्ने भिटामिन हो। यो आँखाका लागि नभई नहुने भिटामिन हो। लामो समयसम्म उपयुक्त मात्रामा यसको आपूर्ति नभएमा आँखामा नराम्रो असर पर्नुका साथै रतन्धोसमेत हुनसक्छ।
.gif)
भिटामिन ए का स्रोतहरू
– कलेजो, माछाको तेल, अण्डाको पहेँलो भाग
– नौनी, दूध र दूधबाट बनेका परिकारहरू
– हरिया सागपातहरू जस्तै : कर्कलो, पालुंगो, सिस्नो, धनियाँ, मुलाको साग, रायोको साग
– पहेँला जातका तरकारी र फलफूलहरू जस्तै : गाँजर, पाकेको फर्सी,मेवा ।
भिटामिन ए का कार्यहरू
– आँखाको दृष्टि क्षमतामा वृद्धि गर्छ।
– नाक, कान, मुख, श्वासप्रश्वास प्रणाली तथा प्रजनन प्रणालीका तन्तुहरूलाई स्वस्थ राख्न सहयोग गर्छ।
– आँखालाई स्वस्थ राख्छ।
– शरीरलाई सूक्ष्म जीवाणुहरूको सङ्क्रमणबाट जोगाउँछ।
– हाडको वृद्धिमा पनि सहयोग गर्छ।
– छालालाई स्वस्थ र नरम राख्न सहयोग गर्छ।
