काठमाडौं । नेपाल इन्फ्रास्ट्रक्चर बैंक (निफ्रा) ले नेपाल धितोपत्र बोर्डबाट ऋणपत्र जारी गर्ने अनुमति पाएको छ। निफ्राले ५ अर्ब रुपैयाँबराबरको ऋणपत्र जारी गर्ने अनुमति पाएको हो। बिक्री प्रबन्धकमा एनआईएमबी एस क्यापिटल रहेको छ।
.gif)
नेपाल धितोपत्र बोर्डले निफ्रालाई ‘निफ्रा ऊर्जा डिबेन्चर’ नामक ऋणपत्र जारी गर्न अनुमति दिएको छ। निफ्राले १ हजार रुपैयाँ अंकित दरको कुल ५० लाख इकाइ ऋणपत्र जारी गर्ने भएको छ।
निफ्राले ३० लाख इकाइ व्यक्तिगत तबरबाट बिक्री गर्ने भएको छ भने बाँकी २० लाख इकाइको सार्वजनिक निष्कासन गर्ने भएको छ। निफ्राको यो ऋणपत्र ७ वर्षे अवधिको हो भने यसमा लगानीकर्ताले वार्षिक ६ प्रतिशत ब्याज पाउने छन्।
