काठमाडौंः काठमाडौं उपत्यकाको ट्राफिक जाँचमा बिहानैदेखि कडाइ गरिएको छ । होलीको बहानामा मादक र लागु पदार्थ सेवनगरी सवारी साधनमा चलाउने क्रमलाई नियन्त्रण गर्न उपत्यकाका विभिन्न ठाउँमा आज बिहानै देखि कडाइका जाँच गर्न थालिएको हो ।
.gif)
ट्राफिक प्रहरीका अनुसार बिहानै देखि उपत्यकाका १७६ ठाउँमा जाँच भैरहेको छ । मादक पदार्थ सेवन गरेको र लागुपदार्थ सेवन गरेको चेकजाँच गरिरहेको प्रहरीले जनाएको छ ।
उपत्यकाका ६१ ठाउँमा डेडिकेटेड चेकपोइन्ट, ९६ ठाउँमा पिकेट र १९ ठाउँमा होली विशेष जाँच भैरहेको छ ।
होली विशेष सुरक्षा योजना अन्तर्गत जनपथ, ट्राफिक र सादा पोशाकमा गरी कूल १७ सय ७ सुरक्षाकर्मी परिचालन गरिएको छ ।
कसैले मापसे–लापसे गरेको पाइए वा नियम उल्लंघन गरे दिनभरी सवारीसाधन होल्ड गर्नुका साथै कारबाही पनि गरिने ट्राफिक प्रहरीले जनाएको छ ।
