काठमाडौं । हेटौँडाबाट कुलेखानी–फाखेल–हुमाने हुँदै काठमाडौं निस्कने सडक आजदेखि बन्द भएको छ।
.gif)
सडकको स्तरोन्नतिको लागि अर्को सूचना जारी नभएसम्म यो सडक बन्द गरिएको जिल्ला प्रहरी कार्यालय मकवानपुरले जनाएको छ।
जिप्रका मकवानपुरका प्रहरी नायब उपरीक्षक श्यामु अर्यालले यो सडक हुँदै यात्रा गर्नेलाई वैकल्पिक सडकमार्ग प्रयोग गर्न आग्रह गरे।
कुलेखानी– सिस्नेरी, कान्तिलोकपथ, त्रिभुवन राजपथ र बीपी राजमार्गलाई यो सडकको विकल्पमा प्रयोग गर्न पनि प्रहरीले आग्रह गरेको छ।
