काठमाडौँ - रोपाइँ सकिए लगत्तै किसानहरू धान गोडमेलमा व्यस्त हुन थालेका छन् । सोही क्रममा अहिले ललितपुरको छम्पी क्षेत्रका किसान पनि धान गोड्ने मेलोमा व्यस्त छन् ।
.gif)
छम्पीको फाँट र कान्लामा अहिले किसानहरू धान गोडमेलमा व्यस्त देख्न सकिन्छ । यहाँका किसानहरूले जेठमा नै रोपाइँ सकेका थिए । कृषि तथा पशुपन्छी विकास मन्त्रालयले यो वर्ष असार मसान्तसम्म देशभर ९ लाख ५९ हजार हेक्टर क्षेत्रफलमा रोपाइँ सम्पन्न भएको जानकारी दिएको छ ।
यो वर्ष १३ लाख ९८ हजार हेक्टर क्षेत्रफल बर्खे धान रोपाई हुने सरकारी अनुमान भए पनि ९ लाख ५९ हजार हेक्टर क्षेत्रफलमा रोपाई सम्पन्न भएको हो ।
