काठमाडौँ । सरकारले ऊर्जा विकास मार्गचित्र तयार गरेको छ । ‘ऊर्जा विकास मार्गचित्र तथा कार्ययोजना, २०८१’ नाम दिइएको योजना मंगलबार बसेको मन्त्रिपरिषद् बैठकले स्वीकृत गरेको हो ।मार्गचित्रअनुसार सरकारले १० वर्षमा ६२ खर्ब लगानी गर्नेछ । यो सफल भए सन् २०३५ सम्ममा २८ हजार मेगावाट बिजुली उत्पादन हुनेछ । यो दश वर्षे कार्ययोजना कार्यान्वयनसमेत शुरु भएको छ ।
.gif)
सन् २०३५ सम्म २८ हजार मेगावाट विद्युत् उत्पादन गर्नका लागि बाटो खुला हुनेगरी विद्युत् आयोजनाका लागि सबै मोडल खुला गर्ने विषय कार्ययोजनामा राखिएको छ ।
गत साता ऊर्जा, जलस्रोत तथा सिँचाइ मन्त्रालयले प्रस्ताव पेस गरेकामा उक्त मार्गचित्र पारित भएसँगै अब ठूला र नयाँ आयोजनामा लगानीका लागि सबै प्रकारका मोडलसमेत खुला भएका छन् ।
