काठमाडौं । दसैं बिदापछि खुलेको पहिलो कारोबार दिन नेपाली बजारमा सुनको मूल्य प्रतितोला ११ हजार ७०० रुपैयाँले घटेको छ।
.gif)
नेपाल सुनचाँदी व्यवसायी महासंघका अनुसार आइतबार छापावाल सुनको मूल्य प्रतितोला २ लाख ७८ हजार ५०० रुपैयाँ कायम भएको छ। यसअघि असोज ३० गते सुन प्रतितोला २ लाख ९० हजार २०० रुपैयाँमा कारोबार भएको थियो।
सुनसँगै चाँदीको मूल्यमा पनि गिरावट आएको छ। महासंघका अनुसार चाँदीको मूल्य प्रतितोला ७९४ रुपैयाँले घटेर ३ हजार ३९१ रुपैयाँ कायम भएको छ।
यसअघि असोज ३० गते चाँदी प्रतितोला ४ हजार १८५ रुपैयाँमा कारोबार भएको थियो।
दसैं बिदापछि बजार खुल्दा सुन तथा चाँदी दुवैको मूल्यमा उल्लेख्य गिरावट देखिएको हो।
