काठमाडौँ । राष्ट्रिय लोक तथा दोहोरी गीत प्रतिष्ठान नेपालको अध्यक्षमा चर्चित लोकदोहोरी गायक पशुपति शर्मा निर्विरोध चयन भएका छन् । महोत्तरीको बर्दिबासमा बिहीबारदेखि जारी ९औँ केन्द्रीय महाधिवेशनमा नयाँ कार्यसमितिका विभिन्न पदका लागि उम्मेदवारी परेको थियो । अध्यक्ष पदमा शर्माको मात्र उम्मेदवारी परेपछि उनी शुक्रबार निर्विरोध निर्वाचित भएका हुन् ।लामो समयदेखि नेपाली लोकसङ्गीतमा सक्रिय शर्माले यस क्षेत्रमा आफ्नो छुट्टै पहिचान बनाएका छन्। मौलिक लोकभाका, व्यङ्ग्यात्मक प्रस्तुति र जनजीवनसँग जोडिएका गीतमार्फत उनी दर्शक तथा श्रोतामाझ लोकप्रिय छन्। प्रतिष्ठानका विभिन्न पद हुँदै यहाँसम्म आइपुगेका उनी यसअघि वरिष्ठ उपाध्यक्ष थिए ।त्यस्तै, प्रतिष्ठानको वरिष्ठ उपाध्यक्ष पदमा दीपक खड्का, प्रथम उपाध्यक्षमा सुवास केसी र द्वितीय उपाध्यक्ष (साङ्गठनिक) तर्फका उम्मेदवार पनि निर्विरोध निर्वाचित भएका छन्। कोषाध्यक्षमा जुना शिरिष पनि निर्विरोध भएकी छन्।
.gif)
कुन–कुन पदमा हुँदै छ चुनाव ?
केन्द्रीय सदस्यतर्फ को–को छन् ?
३३ जना केन्द्रीय सदस्यका लागि विभिन्न क्लस्टरमा उम्मेदवारी परेको छ ।खुला (१६ सदस्य) : मदन परियार, राजेश बर्देवा, ईश्वर सिंह, सूर्यबहादुर थापा, सपना सुनाम, रवि कार्की, शम्भु कुँवर, ओवि रायमाझी, मोहन खड्का, खगेन्द्र नेपाल, युवराज चौलागाईं, प्रकाश पराजुली, बालचन्द्र बराल, कला पंगेनी, कमल बि.सी. (माल्दाइ), रामकुमार नेपाली, भरतबहादुर पौडेल क्षेत्री, सुमन परियार, नरेश खाती, सुमन पण्डित वैरागी र अनुज अधिकारी गरी २१ जनाको उम्मेदवारी परेको छ।महिला (७ सदस्य) : कालिका रोका, टिका सानु, प्रतिमा अर्याल, निरु श्रीष मगर, कविता खत्री, सुनितामी परियार, हेमन्ता भट्टराई र शान्तारानी परियार गरी आठ जनाको उम्मेदवारी छ।
प्रदेश (७ सदस्य) : लालबहादुर धामी (अछामे बुढो), भीमसेनप्रसाद खतिवडा, बलकुमार श्रेष्ठ, तुलसी क्षेत्री, वासुदेव सिंखडा, दीप मगर, ईश्वरीप्रसाद पन्त, हरिमाया कार्की, जयबहादुर रावल र अमृतकुमार अनमोल गरी १० जना प्रतिस्पर्धामा छन्।उपत्यका र विदेश : उपत्यकाबाट एक सदस्यका लागि अर्जुन थापा तथा विदेशबाट दुई सदस्यका लागि गोविन्द ढकाल, विजय के.सी., महेन्द्र न्यौपाने र ललित गिरीको उम्मेदवारी परेको छ ।चुनाव हुने पदका लागि केही समयपछि निर्वाचन सुरु हुने गायक राजकुमार लामिछानेले बताए।
