काठमाडौँ । भोटेकोशी नदीमा आएको बाढीका कारण सडक तथा बस्ती क्षेत्रमा जम्मा भएको लेदो र गेग्रान पन्छाउन नेपाल निर्माण व्यवसायी महासंघले ५ वटा टिपर र स्काभेटर सहयोग गरेको छ ।बाढी प्रभावित क्षेत्रको जनजीवन तथा आवागमन सहज बनाउने उद्देश्यले महासंघले नुवाकोट र धादिङका विभिन्न स्थानहरूमा सरसफाइका लागि टिपर परिचालन गरेको हो ।नेपाल निर्माण व्यवसायी महासंघका प्रवक्ता मंगल बहादुर शाहीका अनुसार विदुर, देवीघाट तथा गल्छी क्षेत्रमा जमेको लेदो सफा गर्न ५ वटा टिपर उपलब्ध गराइएको हो । विपद्को समयमा सडक खुलाउन तथा प्रभावित क्षेत्रको सरसफाइ कार्यलाई तीव्रता दिन स्थानीय प्रशासनसँग समन्वय गरी उक्त टिप्पर १५ दिनका लागि परिचालन गरिएको प्रवक्ता शाहीले जानकारी दिए ।
.gif)
महासंघले आफ्नो सामाजिक उत्तरदायित्व अन्तर्गत विपद्का समयमा सधैं उद्धार, राहत तथा पूर्वाधार पुनर्स्थापनाका कार्यमा सहकार्य गर्दै आएको र आगामी दिनमा पनि यस्ता सहयोगलाई निरन्तरता दिने जनाएको छ ।
