काठमाडौँ । प्राकृतिक विपत्तिबाट प्रभावित नागरिकहरूको सहयोगका लागि अमेरिकामा आयोजित फिल्म ‘मालती मंगले’को च्यारिटी शोबाट सङ्कलित रकम प्रधानमन्त्री दैवी प्रकोप राहत कोषमा जम्मा गरिएको छ ।शोमार्फत सङ्कलन भएको २ हजार ३१ अमेरिकी डलर (नेपाली रुपैयाँ ३ लाख ६ हजार ९ सय) बाढीपहिरो पीडितहरूको सहयोगार्थ प्रधानमन्त्री राहत कोषमा जम्मा गरिएको फिल्मका निर्माता तथा गायक रामकृष्ण ढकालले जानकारी दिए ।
.gif)
गायक ढकालका अनुसार अमेरिकाको भर्जिनियामा पूर्वनिर्धारित रहेको ‘मालती मंगले’को विशेष शोलाई देशको विषम परिस्थितिलाई ध्यानमा राख्दै च्यारिटी शोमा रूपान्तरण गरिएको थियो ।‘मालती मंगले’ गायक ढकालले निर्माण गरेको फिल्म हो । केही अगाडि स्वदेशमा प्रदर्शनमा आएको फिल्ममा विजय बराल र वर्षा राउतको मुख्य भूमिकामा अभिनय छ ।
