गत आर्थिक वर्ष २०८२/८३ मा दुई दर्जन कम्पनीले आइपीओ अनुमति पाएका छन् । नेपाल धितोपत्र बोर्डका अनुसार गत आर्थिक वर्षमा बोर्डबाट २४ वटा कम्पनीले आईपीओ जारी गर्ने अनुमति पाएका हुन् । बोर्डबाट आईपीओ जारी गर्ने अनुमति पाएका कम्पनीहरुले आईपीओ जारी गरिसकेका छन् । २४ वटामध्ये अधिकांशको आईपीओ नेप्सेमा सूचीकृतसमेत भइसकेका छन् । बोर्डले गत आर्थिक वर्षमो अघिल्लो वर्षको तुलना ६० प्रतिशत बढी कम्पनीलाई आईपीओ जारी गर्ने अनुमति दिएको छ । अघिल्लो वर्ष २०८१/८२ मा धितोपत्र बोर्डले १५ वटा कम्पनीलाई आईपीओ निष्काशन गर्ने अनुमति दिएको थियो । गत आवमा आईपीओ निष्कासनको अनुमति पाउने कम्पनीहरुमा अधिकांश हाइड्रोपावर कम्पनी छन् । गत आर्थिक वर्षमा यो बोर्डले १५ वटा हाइड्रोपावर कम्पनीलाई आईपीओ अनुमति दिएको छ ।
.gif)
बोर्डको तथ्यांक अनुसार गत आर्थिक वर्षमा आईपीओ जारी गर्ने अनुमति पाउने कम्पनीहरुमध्ये ७ वटा उत्पादन तथा प्रशोधन समूहका कम्पनी रहेका छन् । त्यस्तै एउटा विकास बैंक र एउटा होटलले आईपीओ जारी गर्न अनुमति पाएका छन् ।बोर्डबाट गत आवमा अनुमति पाएका सबै २४ वटै कम्पनीले १०० रुपैयाँ अंकित मूल्यमा आईपीओ जारी गरेका छन् । गत आवमा यी कम्पनीले सर्वसाधारणलाई ९ करोड ११ लाख ८७ हजार ९४६ कित्ता आईपीओ बिक्री गरेर ९ अर्ब ११ करोड ८७ लाख ९४ हजार ६०० रुपैयाँ पुँजी जुटाएका छन् ।
