काठमाडौँ । नेपाल सरकारको सूचना तथा सञ्चार मन्त्रालयले विज्ञापन बोर्डको अध्यक्ष पदका लागि दरखास्त आह्वान गरेको छ।मन्त्रालयले बुधबार एक सूचना जारी गर्दै रिक्त पद पूर्तिका लागि योग्य व्यक्तिहरूबाट आवेदन मागेको हो।विज्ञापन बोर्डको अध्यक्ष पदमा एक जना उम्मेदवार छनोट गरी नियुक्त गर्नुपर्ने मन्त्रालयले जनाएको छ। इच्छुक र योग्यता पुगेका व्यक्तिहरूले आगामी २०८३ साल साउन ८ गते शुक्रबार कार्यालय समयभित्र आफ्नो दरखास्त पेस गर्नुपर्नेछ।
.gif)
मन्त्रालयले तोकेको समयभित्र रीतपूर्वक आवेदन दिने उम्मेदवारहरूमध्येबाट उपयुक्त एक जनालाई छनोट गरेर यो जिम्मेवारी दिइने सूचनामा उल्लेख छ। यस पदका लागि आवश्यक पर्ने न्यूनतम योग्यता, दरखास्त फारामको ढाँचा तथा आवेदनका साथमा संलग्न गर्नुपर्ने आवश्यक कागजातहरूका बारेमा मन्त्रालयले स्पष्ट पारेको छ। ती सम्पूर्ण आवश्यक कागजात तथा विस्तृत विवरणहरू सूचना तथा सञ्चार मन्त्रालयको आधिकारिक वेबसाइट www.moic.gov.np मा उपलब्ध गराइएको छ। योग्य आवेदकहरूले वेबसाइटबाट फाराम डाउनलोड गरी तोकिएको कागजातसहित मन्त्रालयमा सम्पर्क राख्न सक्नेछन्।
