काठमाडौँ, १८ वैशाख । स्थानीय बजारमा आज सुनचाँदीको मूल्य उल्लेख्य रूपमा बढेको छ।
.gif)
नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रतितोला रु ३ हजार ४०० ले बढेर रु २ लाख ९६ हजार १०० पुगेको छ। त्यसैगरी चाँदीको मूल्य पनि प्रतितोला रु १३५ ले वृद्धि भई रु ४ हजार ९४५ कायम भएको छ।
यसअघि बिहीबार छापावाल सुन प्रतितोला रु २ लाख ९२ हजार ७०० र चाँदी रु ४ हजार ८१० मा कारोबार भएको थियो। त्यस्तै बुधबार सुन प्रतितोला रु २ लाख ९४ हजार ५०० र चाँदी रु ४ हजार ९१५ मा किनबेच भएको थियो।
अन्तर्राष्ट्रिय बजारमा पनि सुनचाँदीको मूल्य उच्च रहेको छ। अन्तर्राष्ट्रिय सञ्चारमाध्यमका अनुसार आज सुन प्रतिऔँस ४ हजार ६५० अमेरिकी डलर र चाँदी प्रतिऔँस ७६ अमेरिकी डलरमा कारोबार भइरहेको छ।
