काठमाडौँ, १६ वैशाख । नेपाली बजारमा सुन र चाँदीको मूल्य घट्ने क्रम जारी रहेको छ। बैशाख १६ गते बुधबार सुन प्रतितोला ३ हजार रुपैयाँले घटेको छ भने चाँदीको मूल्य पनि प्रतितोला ३० रुपैयाँले घटेको छ।
.gif)
नेपाल सुनचाँदी व्यवसायी महासंघका अनुसार आज सुन प्रतितोला २ लाख ९४ हजार ५०० रुपैयाँमा कारोबार भइरहेको छ। अघिल्लो दिन मंगलबार भने सुनको मूल्य प्रतितोला २ लाख ९७ हजार ५०० रुपैयाँ रहेको थियो। पछिल्ला केही दिनयता सुनको मूल्य निरन्तर ओरालो लागेको देखिन्छ।
यसैगरी, चाँदीको मूल्य पनि घटेको छ। आज चाँदी प्रतितोला ४ हजार ९१५ रुपैयाँमा किनबेच भइरहेको छ, जबकि मंगलबार यसको मूल्य ४ हजार ९४५ रुपैयाँ थियो।
बजारमा सुनचाँदीको मूल्य घट्दै जानुका कारण अन्तर्राष्ट्रिय बजारको प्रभाव, विनिमय दर तथा माग–आपूर्तिको अवस्था मुख्य कारकका रूपमा हेरिएको छ।
