काठमाडौँ, १५ वैशाख । स्थानीय बजारमा मंगलबार सुनचाँदीको मूल्यमा गिरावट देखिएको छ।
.gif)
नेपाल सुनचाँदी व्यवसायी महासंघका अनुसार मंगलबार सुनको मूल्य प्रतितोला ३ हजार रुपैयाँले घटेको हो।
सोमबार प्रतितोला २ लाख ५०० रुपैयाँमा कारोबार भएको छापावाल सुन मंगलबार घटेर प्रतितोला १ लाख ९७ हजार ५०० रुपैयाँमा कायम भएको छ।
त्यसैगरी, चाँदीको मूल्य पनि घटेको छ। सोमबार प्रतितोला ५ हजार ४५ रुपैयाँमा कारोबार भएको चाँदी मंगलबार १०० रुपैयाँले घटेर ४ हजार ९४५ रुपैयाँमा झरेको छ।
अन्तर्राष्ट्रिय बजारमा आएको उतारचढावको प्रभावसँगै स्थानीय बजारमा पनि सुनचाँदीको मूल्य घटेको महासंघले जनाएको छ।
