काठमाडौँ, २ कात्तिकः प्रभु बैंकका ८ जना संस्थापक शेयरधनीले एकैपटक आफ्नो स्वामित्वको शेयर बिक्रीमा राखेर बाहिरिने भएका छन्।
.gif)
उनीहरूको स्वामित्वमा रहेको २ लाख ८२ हजार ६१९ कित्ता शेयर बैंकले दोस्रो पटक बिक्रीमा राखेको हो।
बिक्री गर्नेहरूमा संस्थापक शेयरधनी प्रवीन अग्रवालको १ लाख ७ हजार कित्ता, सन्ध्या थापा क्षेत्रीको ४८ हजार ६४२ कित्ता, दिनेश अर्यालको ३५ हजार ७२१ कित्ता, कुमार पौडेलको ३२ हजार ३ सय कित्ता, गंगाराम महर्जनको २४ हजार ७ सय ३ कित्ता, अन्जन श्रेष्ठको १६ हजार ५१९ कित्ता, तान्या अधिकारीको १५ हजार ९६२ कित्ता र वीरेन्द्र रावलको १ हजार ५ सय ५२ कित्ता शेयर देस्रो पटक बिक्रीमा राखिएको हो।
यसअघि छुट्टाछुट्टै गरेर बैंकले गत वर्षको फागुन, चैत, चालू आवको असार र भदौमा शेयर बिक्रीमा राखेको थियो। बिक्रीमा राखेपछि संस्थापक शेयरधनीहरूबाट शेयर खरिद नभएपछि बैंकले ८ वटै लगानीकर्ताको शेयरलाई सर्वसाधारणले किन्न मिल्ने गरेर पुनः बिक्रीमा राखेको हो। बैंकले १५ दिनभित्र बैंकको केन्द्रीय कार्यालयमा शेयर खरिद आवेदन दिन भनेको छ। उक्त शेयरको मूल्य भने बैंकले खुलाएक छैन ।
