काठमाडौं– आरएसडिसी लघुवित्त वित्तीय संस्था लिमिटेडले आर्थिक वर्ष २०८०।०८१ को वितरणयोग्य मुनाफाबाट शेयर धनीलाई १० प्रतिशत बोनस दिने भएको छ ।
.gif)
कम्पनीको कार्तिक १ गते बसेको सञ्चालन समितिको बैठकले ९ करोड ४४ लाख ३५ हजार रुपैयाँ बराबरको बोनस दिने प्रस्ताव गरेको कम्पनी सचिव ध्रुव कुमार पौडेलले जानकारी दिएका छन् ।
पौडेलका अनुसार लघुवित्तले चुक्ता पुँजीको ९.५० प्रतिशत बोनस शेयर र कर प्रयोजनका लागि समेत गरेर ०.५० प्रतिशत नगद लाभांश दिने भएको छ ।
लघुवित्तले घोषणा गरेको उक्त बोनस नेपाल राष्ट्र बैंकबाट स्वीकृति पाएपछि आगामी साधारणसभाले पास गरेपछि शेयर धनीलाई वितरण गरिने कम्पनीले जनाएको छ ।
हाल कम्पनीको चुक्ता पुँजी ९४ करोड ४३ लाख ५१ हजार रुपैयाँ बराबरको रहेको छ ।
