पियोर इनर्जी लिमिटेडले चालु आर्थिक वर्ष २०८२/८३ को दोस्रो त्रैमास (साउन–पुस) सम्मको अपरिष्कृत वित्तीय विवरण सार्वजनिक गरेको छ।
.gif)
नाफामा उल्लेख्य वृद्धि
कम्पनीले चालु आर्थिक वर्षको पहिलो छ महिनामा ९२ लाख २८ हजार रुपैयाँ खुद नाफा आर्जन गरेको छ। अघिल्लो आर्थिक वर्ष २०८१/८२ को सोही अवधिमा कम्पनीले २४ लाख ८ हजार रुपैयाँ नाफा कमाएको थियो। यस आधारमा नाफा २८३.२२ प्रतिशतले वृद्धि भएको देखिन्छ।
आम्दानीमा सामान्य गिरावट
चालु वर्षको पुससम्म कम्पनीले विद्युत उत्पादन बिक्रीबाट ११ करोड ६१ लाख रुपैयाँ आम्दानी गरेको छ। यो आम्दानी अघिल्लो वर्षको सोही अवधिको तुलनामा ३.७७ प्रतिशतले कम हो। अघिल्लो वर्ष कम्पनीले विद्युत बिक्रीबाट १२ करोड ६ लाख रुपैयाँ आम्दानी गरेको थियो।
इक्विटी स्थितिमा सुधार
८० करोड रुपैयाँ चुक्ता पुँजी रहेको कम्पनीको अन्य इक्विटी १ करोड ३० लाख रुपैयाँ पुगेको छ। अघिल्लो वर्ष यही अवधिमा कम्पनीको अन्य इक्विटी २ करोड ३ लाख रुपैयाँले ऋणात्मक अवस्थामा रहेको थियो।
प्रतिसेयर सूचकमा सुधार
कम्पनीको वार्षिकीकृत प्रतिसेयर आम्दानी (ईपीएस) बढेर २.३१ रुपैयाँ पुगेको छ। जबकि अघिल्लो वर्ष सोही अवधिमा ईपीएस ०.७५ रुपैयाँ मात्र थियो। यसैगरी कम्पनीको प्रतिसेयर नेटवर्थ १०१.६३ रुपैयाँ कायम भएको छ।
