काठमाडौँ, पुस २१ । मौसम पूर्वानुमान विभागका अनुसार देशभर पश्चिमी वायुको प्रभावका कारण उच्च पहाडी र हिमाली भागमा आंशिक बदली रहनेछ भने बाँकी क्षेत्रमा मौसम मुख्यतया सफा रहनेछ। तराईका अधिकांश स्थानहरूमा हुस्सु र कुहिरोको अवस्था रहने सम्भावना छ।
.gif)
कोशी, गण्डकी र कर्णाली प्रदेशका पहाडी तथा हिमाली भागमा आंशिक बदली रहनेछ। विशेषगरी कोशी प्रदेशका उच्च पहाडी र हिमाली क्षेत्रका एक–दुई स्थानमा हल्का वर्षा र हिमपात हुन सक्ने विभागले जनाएको छ।
यस मौसमको प्रभावले दैनिक जनजीवन, पर्यटन, स्वास्थ्य र सडक यातायातमा आंशिक असर पर्न सक्ने अनुमान गरिएको छ।
