काठमाडौँ । नुवाकोटका सफल व्यवसायी र गायक सन्तोष संगम अधिकारीको नयाँ गीत ‘बयान’ को म्युजिक भिडियो सार्वजनिक भएको छ। सार्वजनिक भएयता भिडियोले दर्शकहरुमा सकारात्मक प्रतिक्रिया पाएको छ।
.gif)
गीतमा गायक प्रताप दास र गायिका समिक्षा अधिकारीको स्वर समावेश छ। गीतका शब्द सन्तोष संगम अधिकारी आफैले लेखेका हुन् भने संगीत संयोजन सरोज पोखरेलले गरेका छन्। म्यूजिक भिडियोमा आधुनिक दृश्य र भावनात्मक प्रस्तुतीकरणलाई मुख्य प्राथमिकता दिइएको छ, जसले दर्शकलाई भावुक बनाउने क्षमता राख्छ।
सन्तोष संगम अधिकारीका अनुसार, “यो गीत मेरो व्यक्तिगत अनुभूतिलाई समेट्ने प्रयास हो र दर्शकहरुले यसलाई मन पराउँछन् भन्ने आशा राख्छु।”
भिडियो सार्वजनिक भएयता सामाजिक सञ्जालमा यसले राम्रो प्रतिक्रिया पाएको छ र संगीत प्रेमीहरुबीच चर्चा सिर्जना गरेको छ।
