काठमाडौँ । अनमोल केसी अभिनित फिल्म ‘जेरी अन टप’ले १० करोड बढीको व्यवसाय गर्न सफल भएको छ । फिल्मले प्रदर्शनको १६ दिनसम्म देशव्यापी १० करोड ५१ लाख ४८ हजार बढीको व्यववसाय गरेको चलचित्र विकास बोर्डको सोमबार सार्वजनिक गरेको बक्स अफिसमा उल्लेख छ ।
.gif)
फिल्मले सोही अवधिसम्म ३ लाख ३३ हजार वटा टिकट बिक्री गरेको छ । बक्सअफिसमा कात्तिक १५ गतेसम्मको रिपोर्ट सार्वजनिक गरिएको हो । सुयोग गुरुङ निर्देशित हिमाल आरोहणको कथामा बनेको फिल्ममा अनमोलका अलवा आँचल शर्मा, जसिता गुरुङ, केदार घिमिरे र भुवन केसीको पनि मुख्य भूमिका छ ।
हुन त निर्माण युनिटले शुक्रबार नै फिल्मले १० करोड व्यापारको आँकडा पार गरेको भन्दै केकसमेत काटेको थियो । सो अवसरमा अभिनेता अनमोलले फिल्म सफल हुनुको कारण टिमवर्क बताएका थिए ।
