काठमाडौँ । गत असोज महिनामा देशभरका मालपोत कार्यालयहरूले कूल रु दुई अर्ब ७५ करोड ८५ लाख ५७ हजार ९२७ बराबरको राजस्व सङ्कलन गरेका छन्।
.gif)
भूमि व्यवस्थापन तथा अभिलेख विभागका अनुसार चाडपर्व र जेनजी आन्दोलनका कारण कार्यालय सञ्चालनमा कठिनाइ आए पनि राजस्व सङ्कलन स्थिर रह्यो। गत भदौ २३ र २४ गतेको आन्दोलनका क्रममा दुई दर्जनभन्दा बढी मालपोत कार्यालयमा आगलागी र तोडफोड भएका थिए।
विभागका अनुसार असोज महिनामा सेवा कर रु २१ करोड ३० लाख ७५ हजार २६०, रजिष्ट्रेशन शुल्क रु एक अर्ब ४४ करोड १६ लाख ८७ हजार ७५५, र पुँजीगत लाभकर रु एक अर्ब ६ करोड १९ लाख ३५ हजार ५३७ सङ्कलन गरिएको छ।
सबैभन्दा बढी राजस्व सङ्कलन गर्नेमा मालपोत कार्यालय चाबहिल रु २७ करोड ४२ लाख ९६ हजार २१० सहित अगाडि रहेको छ।
कलङ्की मालपोत कार्यालय, जसमा आन्दोलनका क्रममा क्षति पुगेको थियो,ले पनि रु ४१ लाख ५० हजार ३७१ बराबरको राजस्व सङ्कलन गरेको विभागले जनाएको छ।
त्यस्तै, बुटवल मालपोत कार्यालयले रु ५ करोड ३ लाख ५६ हजार ६३९, दमक मालपोत कार्यालयले रु २ करोड ८६ लाख ४१ हजार ३९०, र मनमैजु मालपोत कार्यालयले रु ४ करोड ७७ लाख २३ हजार ३६१ बराबर राजस्व सङ्कलन गरेका छन्।
गत असोज महिनामा देशभर २३ हजार ३५३ लिखत पारित, २,४४२ नामसारी, २३,९१४ रोक्का, र १७,९३० फुकुवा कार्य सम्पन्न भएका छन्।
कुल मिलाएर असोज महिनामा ७९ हजार ७३९ घरजग्गा सम्बन्धी कारोबार भएका विभागले जनाएको छ।
