काठमाडौँ । धादिङ, चितवन र तनहुँका जोखिमयुक्त सडकमा आज बिहान ६ः०० बजेदेखि गाडी चलाउन रोक लगाइएको छ।
.gif)
जिल्ला प्रहरी कार्यालय चितवनले जारी गरेको सूचनाअनुसार, यात्रुहरूको सुरक्षा र जोखिमलाई ध्यानमा राख्दै उक्त क्षेत्रका सडकमा गाडी सञ्चालन रोक लगाइएको हो।
मुग्लिन नारायणगढ सडकखण्डमा पहिरो हटाएर सडक खुला गरिएको भए तापनि ढुङ्गा खस्ने क्रम अझै जारी रहेको छ। त्यसैले यात्रुहरूले थप सावधानी अपनाउन र वैकल्पिक मार्गहरू प्रयोग गर्न सुझाइएको छ।
प्रहरीले अवरुद्ध सडक सम्बन्धी थप जानकारी दिन तयार रहेको जनाएको छ।
