काठमाडौं । उत्तराखण्डमा केदारनाथ यात्रा दुई देखि तीन दिनको लागि स्थगित गरिएको छ। यस क्षेत्रमा निरन्तर वर्षाका कारण केदारनाथ जाने बाटो बिग्रिएको छ।गौरीकुण्ड र सोनप्रयाग बीचको बाटोमा पहाडबाट ढुङ्गाहरू फुटेर खसेका छन्, जसका कारण केदारनाथ जाने बाटो अवरुद्ध भएको छ।
.gif)
यस मार्गमा निरन्तर ढुङ्गा खस्ने र मौसमको अवस्थालाई ध्यानमा राख्दै जिल्ला प्रशासनले आगामी दुईदेखि तीन दिनको लागि यात्रा स्थगित गर्ने निर्णय गरेको छ।रुद्रप्रयागका प्रहरी उपरीक्षक अक्षय प्रह्लाद कोन्डेले भने, “यस सडकको वैकल्पिक पदमार्ग पनि भत्किएको छ। सडक सञ्चालनमा आउन कम्तिमा दुईदेखि तीन दिन लाग्न सक्छ।”
जानकारी दिँदै उनले भने, “गत सोमबार साँझदेखि अवरुद्ध मुंकटिया र गौरीकुण्ड बीचको करिब ५० देखि ७० मिटर सडक पूर्ण रूपमा क्षतिग्रस्त छ।”अक्षय प्रह्लाद कोंडेले पनि भने, “गौरीकुण्डतिर अलपत्र परेका तीर्थयात्रीहरूलाई बाहिर निकाल्ने काम भइरहेको छ।”
