काठमाडौँः काठमाडौँ उपत्यका अपराध अनुसन्धान कार्यालय, टेकुले बैंकिङ कसुर मुद्दामा फरार रहिएकी प्रतिवादी सरला न्यौपानेलाई पक्राउ गरेको छ।
.gif)
नेपाल सरकार वादी रहेको सो मुद्दामा ललितपुर जिल्ला अदालतले २०८२ असार ४ गते पक्राउ अनुमति दिएको थियो। सोही आधारमा खटिएको प्रहरी टोलीले असार १६ गते काठमाडौँको बुढानिलकण्ठ नगरपालिका–८, गल्फुटारबाट उनलाई पक्राउ गरेको हो।
५३ वर्षीया न्यौपाने तनहुँको व्यास नगरपालिका–१०, शान्तिनगर स्थायी बासिन्दा हुन्। हाल उनी काठमाडौँ बुढानिलकण्ठमा बसोबास गर्दै आइरहेकी थिइन्। न्यौपानेले करिब बीस लाख रुपैयाँ बिगो पर्ने बैंकिङ कसुर गरेको आरोपमा फरार रहिएकी थिइन्।
पक्राउपछि उनलाई थप अनुसन्धान तथा कानुनी कारबाहीका लागि जिल्ला प्रहरी परिसर, जावलाखेल, ललितपुरमा पठाइएको काठमाडौँ उपत्यका अपराध अनुसन्धान कार्यालयले जनाएको छ।
