काठमाडौँ । आर्थिक बर्ष २०८०/८१ को चौथो त्रैमाससम्ममा सूर्यज्योति लाइफ इन्स्योरेन्स लिमिटेडले ३९ करोड ६५ लाख खुद नाफा आर्जन गरेको छ ।
.gif)
कम्पनीले सार्वजनिक गरेको आर्थिक बर्षको बार्षिक वित्तीय विवरण अनुसार एक बर्षको अवधीमा अर्थात २०८० साउनदेखि २०८१ असार मसान्तसम्ममा सूर्यज्योति लाइफले ३९ करोड ६५ लाख खुद नाफा आर्जन गरेको हो । जुन अघिल्लो आर्थिक बर्ष २०७९/८० को तुलनामा १४६ प्रतिशतले धेरै हो । अघिल्लो आर्थिक वर्षको सोही अवधिमा कम्पनीले १६ करोड ११ लाख नाफा गरेको थियो ।
कम्पनीले सार्वजनिक गरेको वित्तीय विवरण अनुसार कम्पनीको नाफासहित अधिकांश सूचकमा बृद्धि देखिएको छ । समिक्षा अवधिमा कम्पनीको जीवन बीमा कोष ३३ अर्ब ६३ करोड रुपैयाँ रहेको छ । अघिल्लो वर्षको यसै अवधिमा २७ करोड २९ लाख थियो । अघिल्लो बर्षको तुलनामा कम्पनीको जीवन बीमा कोषको आकार १८.८५ प्रतिशतले बढेको हो ।
यस्तै, गत आर्थिक वर्षको अन्त्यसम्ममा कम्पनीले पुनर्बीमा मार्फत ३६ करोड ८८ लाख रुपैयाँ खर्चिएको छ । अघिल्लो आर्थिक वर्षको यसै अवधिमा कम्पनीले १९ करोड ६५ लाख रुपैयाँ खर्चिएको थियो । अघिल्लो वर्षको तुलनामा कम्पनीले पुनर्बीमा मार्फत बढी रकम खर्चिएको हो ।
यता, ५ अर्ब १ करोड रुपैयाँ चुक्ता पूँजी भएको कम्पनीको गत आर्थिक वर्षको अन्त्यसम्ममा महाविपत्ती कोषमा ३४ करोड ६८ लाख रुपैयाँ रहेको छ । रिटेन्ड अर्निङ्गमा ५६ करोड ९५ लाख रुपैयाँ रहेको छ भने अन्य इक्विटीमा ६१ करोड ५२ लाख रुपैयाँ रहेको छ ।
समिक्षा अवधिमा कम्पनीले ९ अर्ब ४७ करोड ४७ लाख रुपैयाँ कुल बीमा शुल्क आर्जन गरेको छ । अघिल्लो वर्षको यसै अवधिमा कम्पनीले ७ अर्ब ३४ करोड ३ लाख रुपैयाँ कुल बीमा शुल्क आर्जन गरेको थियो । अघिल्लो वर्षको तुलनामा कम्पनीको कुल बीमा शुल्कमा २९ प्रतिशतले बृद्धि भएको हो ।
एक बर्षको अवधीमा कम्पनीले ९ अर्ब १० करोड रुपैयाँ खुद बीमा शुल्क आर्जन गरेको छ । अघिल्लो वर्षको यसै अवधिमा कम्पनीले ७ अर्ब १४ करोड रुपैयाँ खुद बीमा शुल्क आर्जन गरेको थियो । अघिल्लो वर्षको तुलनामा कम्पनीको खुद बीमा शुल्कमा २७ प्रतिशतले बृद्धि भएको हो ।
यस अवधिमा कम्पनीले अभिकर्ता कमिशन मार्फत ८७ करोड ३ लाख रुपैयाँ खर्चिएको छ । अघिल्लो आथिृक वर्षको यसै अवधिमा कम्पनीले अभिकर्ता कमिशन मार्फत ७६ करोड २० लाख रुपैयाँ खर्चिएको थियो ।
समिक्षा अवधिमा कम्पनीको प्रतिशेयर आम्दानी ८ रुपैयाँ ७२ पैसा रहेको छ । प्रति शेयर नेटवर्थ १३० रुपैयाँ ५६ पैसा रहेको छ ।
