काठमाडौँः २८ दिनदेखि आन्दोलनरत शिक्षक महासंघ र सरकारबीचको वार्ता बिना निष्कर्ष सकिएको छ ।
.gif)
सिंहदरबारस्थित शिक्षा मन्त्रालयमा मंगलबार अबेर रातिसम्म भएको वार्ता सहमति बिनै टुंगिएको हो।
शिक्षक महासंघले सरकार समक्ष ९ बुँदे प्रस्ताव पेश गरेको छ । उक्त प्रस्ताव मन्त्रिपरिषद्बाट पास भएमा शिक्षक महासंघले आन्दोलनको शैली फेर्ने भनाई छ ।
‘हामी सहमतिको नजिक पुगेका छौ । भोलि बिहान महासंघको बैठक बसेर आन्दोलनको मोडालिटीबारे निर्णय गर्नेछौँ,’ महासंघ महासचिव तुलाबहादुर थापाले भने, ‘हाम्रो मागहरू ९ बुँदामा पेश गरेका छौँ। भोलि बिहान टुंगो लाग्छ ।’
थापाका अनुसार कक्षा १२ को परीक्षा तोकिएकै समयमा हुनेछ ढुक्क हुनुहोस् ।
लामो समय सार्वजनिक शिक्षा प्रभावित भएपछि सरकारले माग सम्बोधनका लागि केही तदारुकता देखाए पनि शिक्षकको अडानका कारण सहमति हुन सकेको छैन ।
यसअघि निवर्तमान शिक्षामन्त्री विद्या भट्टराईले यिनै विषय समावेश गरेर ७ बुँदे तयार गरेकी थिइन् । जसको लागि सरकारको ८ अर्ब रुपैयाँ खर्च हुने थियो ।
९ बुँदे विषयः
१.विद्यालय कर्मचारी र ईसीडीका शिक्षकको तलब
२.सामाजिक सुरक्षा कोष
३.दुर्गम भत्ता
४.ग्रेड समायोजन
५.मर्यादा क्रम
६.अस्पतालमा शिक्षकको उपचारमा छुटको व्यवस्था
७.निमावि प्रथम र मावि द्वितीयबीच तलबमा समानता बनाउने ।
८.राहत शिक्षक लगायत ।
