काठमाडौं । सिटिजन लाइफ इन्स्योरेन्स कम्पनीले कर्णाली प्रदेश स्थीत बादी समुदायलाई खाद्यान्न सामग्री सहयोग हस्तान्तरण गरेको छ । कम्पनीले १३० जना अनाथ तथा असहाय बालबालिकालाई संरक्षण गर्दै आएको ‘बादी सरोकार मञ्च नेपाललाई खाद्यान्न सामग्री सहयोग हस्तान्तरण गरेको छ ।
.gif)
कम्पनीले दाल, चामल, तेल लगायत अत्यावश्यक उपभोग्य वस्तुहरू उपलब्ध गराएको छ। बादी समुदाय नेपालको सबैभन्दा सामाजिक–आर्थिक रूपले कमजोर समुदायहरू मध्ये एक हो । हिक्मत बादीद्वारा सञ्चालनमा ल्याइएको बादी सरोकार मञ्च नेपालले बादी समुदायको महिला, बालबालिका तथा परिवारहरूलाई शिक्षा, स्वास्थ्य र आत्मनिर्भरतातर्फ उन्मुख गराउने उद्देश्यले गैर–नाफामूलक सामाजिक संस्थाको रूपमा कार्य गर्दै आएको हो।सिटिजन लाइफको सहयोगले बादी सरोकार मञ्च नेपाललाई सञ्चालन गर्न केहि मद्दत हुने अपेक्षा गरिएको छ ।
