काठमाडौं । गार्डियन माइक्रो लाइफ इन्स्योरेन्स लिमिटेडको विशेष साधारणसभा रोकिएको छ ।कम्पनीका सचिव रामप्रसाद पौडेलका अनुसार इन्स्योरेन्सको गत चैत १८ गते बसेको बैठकको निर्णय अनुसार वैशाख ५ गते शुक्रबार बोलाइएको विशेष साधारणसभा बीमा प्राधिकारले रोक लगाएको हो ।
.gif)
प्राधिकरणको नियम महाशाखाले वैशाख २ गतेको पत्रबाट विशेष साधारणसभा रोक्न निर्देशन दिएको थियो । उक्त निर्देशन पछि कम्पनीले साधारणसभा गर्न रोक लगाएको पौडेलले जानकारी दिए ।
बीमा प्राधिकरणका निर्देशक शम्भुराज लामिछानेका अनुसार इन्स्योरेन्सले आफूखुशी गरेकाले विषेश साधारणसभामा रोक लगाएको खबरहबलाई बताए ।
‘सभा बस्नुभन्दा पहिले प्राधिकरणबाट स्वीकृति लिनुपर्छ, त्यो लिएको थिएन होला’, लामिछानेले खबरहबसँग भने, ‘आफूखुशी गरेपछि रोकिएको हो ।’
