काठमाडौं । चालू आर्थिक वर्षको सात महिनामा नेपालका लघु निर्जीवन बीमा कम्पनीहरूले ५० करोड २८ लाख रुपैयाँभन्दा बढी कुल बीमाशुल्क आर्जन गर्न सफल भएका छन्।
.gif)
नेपाल बीमा प्राधिकरणले आज सार्वजनिक गरेको तथ्यांक अनुसार, उक्त बीमाशुल्क आर्जन नेपालका विभिन्न बीमा कम्पनीहरूले गरेका छन्।
सबैभन्दा बीमाशुल्क आर्जन गर्ने कम्पनीको सूचीमा नेपाल माइक्रो इन्स्योरेन्स अग्रस्थानमा रहेको छ। कम्पनीले यो अवधिमा १४ करोड ६८ लाख रुपैयाँ बीमाशुल्क आर्जन गरेको छ।
त्यस्तै, प्रोटेक्टिभ माइक्रो इन्स्योरेन्सले १२ करोड ४९ लाख, स्टार माइक्रो इन्स्योरेन्सले ११ करोड ६६ लाख, र ट्रस्ट माइक्रो इन्स्योरेन्सले ११ करोड ४३ लाख रुपैयाँ बीमाशुल्क आर्जन गरेका छन्।
कुल मिलाएर, कम्पनीहरूले चालू आवको माघ मसान्तसम्म २ लाख २४८ वटा बीमालेखहरू बिक्री गरेका छन्।
