काठमाडौं । चिसो मौसमले प्रत्यक्ष रूपमा महिनावारी पीडा बढाउँदैन। यसका लागि केही कारक जिम्मेवार छन्। ती कारकले महिनावारी चक्रको प्रणालीलाई केही हदसम्म प्रभावित पार्छ। जसले गर्दा महिनावारी हुँदा दुखाइ अत्याधिक बढाउन सक्छ ।
.gif)
तर, दुखाइ हुँदैमा आत्तिहाल्न पर्दैन। जीवनशैलीमा ध्यान दिए दुखाइबाट राहत पाउन सकिन्छ।
कसरी बढ्छ जाडोमा महिनावारी पीडा ?
प्रतिरक्षा प्रणाली कमजोर हुनु
जाडो मौसममा हाम्रो प्रतिरक्षा प्रणाली कमजोर हुन्छ। किनकी यो समयमा बाह्य भाइरस र किटाणु बढी सक्रिय हुन्छन्। यी तत्वको सम्पर्कमा आएमा शरीर विभिन्न संक्रमण, रुघा–खोकी र भाइरसको शिकार बन्न सक्छ। जसले प्रतिरक्षा प्रणाली कमजोर बन्न सक्छ।यसको प्रत्यक्ष असर महिनावारी चक्रमा पनि पर्न सक्छ। जसले महिनावारी हुँदा शरीर गल्ने, जोर्नीहरु दुख्ने र कमजोर अनुभव हुने जस्ता समस्या बढ्न सक्छ।
रक्त सञ्चार कम हुनु
वास्तवमा, चिसो मौसमले रक्तनलीहरूलाई साँघुरो बनाउन सक्छ। यसरी रक्तनली साँघुरिदा शरीरमा दुखाइको अनुभव गराउने प्रोस्टाग्ल्यान्डिन हर्मोनको स्तर बढ्न सक्छ। जसले पेट दुखाउने, तल्लो कम्मर दुखाउने र मुड नै खराब पार्न सक्छ।
डा. उपमा बस्नेतप्रसूति तथा स्त्रीरोग विशेषज्ञ
