काठमाडौं । राधी विद्युत कम्पनी लिमिटेडले स्थगित वार्षिक साधारण सभा पुस २८ गते पुनः आयोजना गर्ने निर्णय गरेको छ। यसअघि पुस १८ गतेका लागि तय गरिएको सभा गणपूरक संख्या नपुग्दा स्थगित भएको थियो।
.gif)
कम्पनीको सञ्चालक समितिले पुस १९ गते बसेको बैठकमा साधारण सभा पुनः आयोजना गर्ने निर्णय लिएको हो। अब यो सभा ललितपुरको थापागाउँस्थित हिमशिखर पार्टी भेन्यूमा बिहान ८ बजेदेखि सुरु हुनेछ।
सभामा प्रस्तावित एजेन्डाहरू
-
लाभांश प्रस्ताव पारित गर्ने:
- ४.७५ प्रतिशत बोनस सेयर
- ०.२५ प्रतिशत नगद लाभांश (कर प्रयोजनका लागि)
- कुल ५ प्रतिशत लाभांश वितरण।
-
हकप्रद सेयर जारी गर्ने प्रस्ताव:
- बोनस सेयर जारीपछि कायम हुने चुक्ता पूँजीको ६९.८९ प्रतिशत हकप्रद सेयर जारी।
- नियमनकारी निकायबाट कुनै संशोधन भएमा, त्यस अनुसार कार्य गर्न सञ्चालक समितिलाई अख्तियारी प्रदान।
-
वित्तीय विवरण पारित गर्ने:
- २०८०/८१ को वार्षिक प्रतिवेदन।
- लेखापरीक्षकको प्रतिवेदनसहित वासलात, नाफा-नोक्सान हिसाब, र नगद प्रवाह विवरण।
-
लेखापरीक्षकको नियुक्ति र पारिश्रमिक निर्धारण।
-
स्वतन्त्र सञ्चालकको अनुमोदन।
बुक क्लोज र सहभागी पात्रता
लाभांश वितरण र साधारण सभा प्रयोजनका लागि कम्पनीले पुस ४ गते एक दिनका लागि बुक क्लोज गरिसकेको छ। यस अनुसार, पुस ३ गतेसम्म नेप्सेमा कारोबार भई कायम भएका सेयरधनीहरू मात्र लाभांश पाउन र सभामा सहभागी हुन योग्य हुनेछन्।
