विराटनगर । नेपालकै अग्रणी टायल ब्रान्ड कजारिया रमेश टायल्स लिमिटेडले पूर्वी नेपालमा आफ्नो बजार विस्तारलाई तीव्रता दिँदै मोरङको कञ्चनबारीमा नयाँ शोरूम सञ्चालनमा ल्याएको छ ।‘अन्नपूर्ण बाथवेयर एण्ड मार्बल्स’सँगको सहकार्यमा सञ्चालनमा आएको यस आधुनिक शोरूमले मोरङ र आसपासका क्षेत्रका स्थानीय घरधनी, निर्माण व्यवसायी तथा इन्टेरियर डिजाइनरहरूलाई विश्वस्तरीय वाल, फ्लोर र बाथवेयर सोलुसन्स (Solutions) उपलब्ध गराउने लक्ष्य राखेको कम्पनीले जनाएको छ । 

शोरूमको उद्घाटन विशेष समारोबीच सम्पन्न भयो । कजारिया रमेश टायल्स लिमिटेडका निर्देशक हिमांशु अग्रवाल, मिस नेपाल कस्मो २०२५ दीपशिखा नेपाल तथा अन्नपूर्ण बाथवेयर एण्ड मार्बल्सको व्यवस्थापन टोलीले संयुक्त रूपमा रिबन काटेर शोरूमको उद्घाटन गरेका थिए ।आकर्षक र ग्राहक-मैत्री ढाँचामा सजाइएको यस शोरूमले खरिदकर्ताहरूलाई ‘प्रिमियम सपिङ’ को अनुभव प्रदान गर्ने कार्यक्रममा जानकारी दिइयो । यहाँ ग्राहकहरूले विभिन्न अत्याधुनिक टायल्सका प्याटर्न, टेक्सचर र फिनिसिङलाई प्रत्यक्ष रूपमा हेरेर आफ्नो घर वा व्यावसायिक परियोजनाका लागि उत्कृष्ट डिजाइन सहजै रोज्न सक्नेछन् ।

उद्घाटनका क्रममा कजारिया रमेश टायल्सका प्रतिनिधिले भने— “अन्नपूर्ण बाथवेयर एण्ड मार्बल्ससँगको यो साझेदारी मोरङ क्षेत्रमा अन्तर्राष्ट्रिय स्तरका उत्पादनहरू पुर्‍याउने हाम्रो निरन्तर प्रयासको एउटा महत्त्वपूर्ण खुड्किलो हो । यस शोरूममार्फत ग्राहकले आफ्नो परिकल्पना अनुरूपको सुन्दर र बलियो संरचना निर्माणका लागि आधुनिक टायल्स सहजै प्राप्त गर्नुहुनेछ ।”कजारिया रमेश टायल्सले उन्नत प्रविधि र विश्वस्तरीय मापदण्ड अनुरूप नेपालकै सबैभन्दा ठूलो टायल उद्योग स्थापना गरी स्वदेशी उत्पादनलाई नयाँ उचाइ दिएको छ । कम्पनीले प्राप्त गरेका उपलब्धिहरू निम्न छन्:

• अन्तर्राष्ट्रिय मान्यता: ‘सुपरब्रान्ड २०२५’, ‘एशियाज मोस्ट प्रमिसिङ ब्रान्ड’ र विश्वका शीर्ष ८ टायल उत्पादकमध्ये एक ।

• प्रमाणीकरण: ISO 9001:2015 र ISO 14001:2015 प्रमाणित, इन्डियन ग्रीन बिल्डिङ काउन्सिल (IGBC) को सदस्य ।

• पुरस्कार: प्रतिष्ठित ‘NS Quality Award 2026’ बाट सम्मानित ।

हाल कजारियाको नेपालभर १०० भन्दा बढी शोरूमहरूको सशक्त सञ्जाल रहेको छ । कञ्चनबारी शोरूममा ३,००० भन्दा बढी आधुनिक डिजाइनका विकल्पहरू उपलब्ध छन् । यहाँका उत्पादन यस्तो छ-

• ग्लेज्ड भिट्रिफाइड टायल्स: (60×120 cm, 60×60 cm, 40×40 cm)

• सेरामिक वाल टायल्स: (30×60 cm, 30×45 cm HD Polished)

• हेभी ड्युटी भिट्रिफाइड टायल्स: (40×40 cm, 12 mm)

यी टायल्सहरू आफ्नो असाधारण मजबुती, पानी र दाग प्रतिरोधी क्षमताका लागि प्रख्यात छन् । कञ्चनबारीस्थित यो नयाँ शोरूम अहिले सर्वसाधारणका लागि पूर्ण रूपमा खुला भइसकेको छ ।